Sarong messaging platform an Discord,, magtatao nin kinatawan sa Pilipinas tanganing magsunod sa mga panuntunan kan nasyon, segun sa Cybercrime Investigation and Coordinating Center (CICC).
An pagkaigwa nin representasyon katuyuhan na masiguro na an online communication platform na ini, makasunod sa lokal na mga regulasyon.
Ini an napag-ulayan sa sarong pagtiripon kan CICC, sa pamamayo ni Dir. Usec. Aboy Paraiso, asin ni Discord Senior Policy Advisor for Asia-Pacific Vasundhara Singh.
Nagbisita na an opisyal kan Discord sa Pilipinas tanganing makipag-ugnayan sa gobyerno para sa online child safety asin pagtulod nin mas ligtas na digital space.
Ini kasabay kan naglalangkaw na bilang nin mga huma kan online sexual abuse or exploitation of children (OSAEC) asin nihilistic violence extremism (NVE).
Hinapot man kan Discord an CICC kun an kaipuhan sarong ‘local representative’ o pisikal na opisina para makapag-operate sa nasyon.
Kaya iginiit ni CICC Usec. Paraiso na an kinatawan dapat igwa nin supisyenteng otoridad na magresolbar nin mga isyu, bako lang sarong ‘contact’.
