Nag-abiso an Solid Waste Management Office Naga sa mga residentes asin establisimiento sa Ciudad nin Naga manungod sa bagong iskedyul nin pagkolekta nin basura, na iimplementar sa maabot na Oktubre 26, 2026.
Shiela Racadag, Head, Information and Education Campaign, SWMO, sinabi kaini na an pagkolekta nin basura sa partikular na mga establisimiento, partikularmente sa mga mayor na establisimiento, ipapaotob sa mga tinampo ginibo poon alas 4 sagkod alas 6 nin hapon.
Nagpaluwas nin abiso an SWA-Naga na an mga madadakop na nag-aapon o nagluluwas nin basura sa itinalaan na oras, o makalihis na an collection truck, pwedeng tawan nin citation ticket. An multa nagkakantidad nin ₱500 para sa enot na pagbalga, ₱1,000 para sa ikaduwang pagbalga, ₱1,500 para sa ikatolo, asin ₱2,500 para sa ikaapat, na may kaibang pagkapreso nin dai mababa sa anom na bulan, base sa ipinaliwanag sa interbyu.
Dugang pa ni Racadag, makakatabang an mga CCTV sa mga barangay sa pagmonitor kan mga nagbabayolar sa polisiya.
Pig-enkaminar man ni Racadag an mga residente, barangay officials, asin an mga namamayo sa environment committee na magtabang sa kampanya na magsunod sa bagong schedule, mapagdanay na malinig an ciudad, asin maibitaran an pagbara kan mga kanal na pwedeng magcausa nin pagbaha.
