Liwat nagrecord an piso kontra dolyar nin pinakahababang lebel matapos magsarado sa P63.95 an palitan kaini ngunyan na Lunes, Oktubre 26, 2026.
Nalampasan kan nasabing pagsarado an dating naitalang pinakahababang lebel na P63.615 kan Biyernes, Oktubre 23.
Bago an opisyal na pagtatapos kan palitan, uminabot sa P63.95 an palitan kan piso sa intraday trading ngunyan na aldaw.
Ini na an ika-32ng beses na naitala an pinakahababang lebel kan halaga kan piso ngunyan na taon.
Advertisement
Naglalaom man an financial analyst na si Rogel Morales na makakabawi pa an halaga kan piso, alagad dae ta kontrolado an takbo kan merkado.
Dakulang factor an pagkusog kan dolyar na binubuhusan man nin paghingoa kan Estados Unidos.
Advertisement
