Nagigin sentro nin urulayan ngunyan an pagkakaibahan ninda Lisa kan Blackpink asin kan Thai aktor na si Blue Pongtiwat.

Nahiling sinda kan saindang mga tagahanga na magkaibahan sa Bangkok, Thailand.

Sa nagkapirang nakaaging aldaw, nahiling man sinda na magkaibahan na nagkakakan sa sarong restaurant sa Bangkok.

Kan Setyembre pa naglakop an mga retrato asin video kan duwa na magkaibahan na nagbakasyon sa London.

Advertisement

An aktor tolong taon na mas huben sa parakanta asin nabisto sa nagkapirang pelikula arog kan “Ready, Set, Love” asin dakol pang iba.

Magigirumduman na enot nang naglakop an bareta na suway na an parakanta sa negosyanteng si Frederic Arnault, aki ni Bernard Arnault.

Advertisement