Pinag-ordenan ni North Korean leader Kim Jong Un an militar kan nasyon na magpreparar para sa giyera.
Saiyang inatasan an mga commander kan Korean People’s Army na seguraduhon na an lambang yunit handa na makipaglaban.
An pahayag na ini ipinublikar kan state-run Korean Central News Agency (KCNA) kasunod kan pagtambong ni Kim sa sarong okasyon kaiba an mga opisyal kan militar.
Partikular na inatasan ni Kim an lambang company leader na magpreparar para sa giyera sa paagi kan makusog asin halawig na training para sa gabos na sundalo.
An direktiba na ini ipinagluwas durante kan “Third Meeting of Company Leaders” na ginibo sa Pyongyang kan October 22 asin October 23, 2026.
Duman, saiyang pinag-agyat man an mga commander na magtogdok nin pinakamakusog na hukbo asin padalion an “Korean-style military revolution” sa paagi kan pagsasanay sa mga pinakamakusog na yunit militar.
Segun sa state-run media, ini an pinakaenot na pagtiripon kan bilog na hukbo kan nasyon poon kan 9th Congress kan Workers’ Party kan Pebrero.
