Nagadan na sa edad na 86 an bantog na Hollywood icon na si Patrick Stewart matapos an saiyang pakikipaglaban sa Alzheimer’s disease.
Bisto siya sa saiyang pagganap bilang ‘Professor Charles Xavier’ sa ‘X-Men’ film franchise asin ‘Captain Picard’ kan ‘Star Trek’ franchise, asin kinumpirma an saiyang kagadanan sa sarong pahayag hale sa saiyang Instagram account.
“He has been held in the warm embrace of family and friends, surrounded by live music, prayer, tears, laughter, and the kind of profound emotion that only he could inspire after a lifetime of devotion to us all,” nakasurat sa pahayag.
Nagadan an aktor kan Oktubre 28 sa saiyang harong sa Los Angeles, California, sa irarom kan pag-ataman kan saiyang agom na si Sunny Ozell.
Nagtao man nin pagrumdom an Marvel Studios sa kagadanan kan aktor.
“Sir Patrick Stewart leaves behind an indelible cultural footprint and legacy. Marvel Studios extends its deepest condolences to his family, friends, and fans around the world,” sabi kaini.
