Nakaligtas an 40 pasahero asin 18 tripulante matapos na tumagilid an pampasaherong barko na saindang sinasakayan sa Real, Quezon kan madaling aldaw nin Biyernes, Oktubre 30.
Pigbisto kan Philippine Coast Guard (PCG) an nasabing barko bilang MV Virgen de Peñafrancia II.
Tolos man na nagresponde an Philippine Coast Guard (PCG) – Real, kaiba an iba pang emergency responders, kaya marikas na nailikas an gabos na nakasakay sa tumagilid na barko.
Sa presente, padagos pa man giraray an imbestigasyon manungod sa rason kan pagtagilid kan barko, kaiba an paninimbagan kan kapitan asin may-ari kan vessel.
Kinumpirma man kan PCG na ligtas asin nasa marhay na kamugtakan an gabos na biktima, kasunod kan matrayumpong pagkalikas hale sa barko.
Nangyari an insidente haros 10 metro an rayo hale sa Real Port sa Barangay Ungos, kun sain bigla na sana tumagilid pakanan an nasabing barko.
