Nagtutulod si Senador Francis “Kiko” Pangilinan nin mahigot na pagbabantay asin pagpapataw nin kaukulang parusa sa mga naghohoard nin pagkakan asin nagmamanipula nin presyo.
Ini huli sa huma kan matinding El Niño na pwedeng magpababa kan produksyon sa agrikultura asin magpataas kan presyo kan mga panginot na bilihon.
Bilang chairman kan Senate Committee on Agriculture, nanawagan si Pangilinan sa DTI, DA, PCC, asin iba pang ahensya na paigtingon an pagbantay sa mga merkado.
Dapat seguraduhon ninda an pagpautob kan price freeze sa mga lugar na idineklara na nasa state of calamity.
Sa irarom kan Republic Act 7581 o Price Act, awtomatikong ipinapautob an price freeze sa mga panginot na bilihon sa mga lugar na idineklara na nasa state of calamity.
Idinugang ni Pangilinan na dapat imbestigaran asin kasuhan an mga indibidwal asin kumpanyang imbuelto sa pagtago nin suplay asin manipulasyon kan presyo, kaiba an mga darakulang negosyo sa likod kan mga sindikato.
Segun sa senador, kaipuhan seguraduhon kan gobyerno an supisyenteng suplay nin pagkakan asin mahigot na bantayan an presyo kaini para maprotektaran an mga konsumidor.
