Nagpapadagos an Philippine National Police (PNP) kan mahigot na seguridad sa mga mayor na terminal asin tinampo, mantang minilyon na biyahero an nag-uuli pagkatapos kan Undas break.
Sa direktiba ni Presidente Ferdinand Marcos Jr. sa paagi ni Interior Secretary Jonvic Remulla, ipinagboot ni PNP Chief General Jose Melencio Nartatez Jr. sa gabos na yunit kan pulisya na paigoton an pagpapatrolya sa mga highway, bus terminal, pantalan, asin paliparan sa bilog na nasyon.
Katuyuhan kaini na malikayan an krimen asin masiguro an kaligtasan kan mga motorista asin pasahero na nag-uuli sa saindang mga probinsya.
Pig-engganyo man ni Heneral Nartatez an mga motorista na sumunod sa mga batas-trapiko, likayan an sobrang pagpadalagan, dai magmaneho kun nakainom, asin magpahingalo bago magbiyahe nin harayo.
Segun saiya, mayo nin destinasyon na dapat ipagsapalaran an buhay.
Nagirumduman na labi sa 1.16 milyong katawo an nagbisita sa duwang mayor na pampublikong sementeryo sa Manila kan Nobyembre 1 para sa Undas.
Kaya, pig-aagda kan PNP an publiko na magdanay na maingat asin responsable sagkod na makadating nin ligtas sa saindang mga destinasyon.
