Nagpoon na an mga botante sa Estados Unidos na magboto sa midterm elections tanganing makapili nin mga bagong representante sa Kamara de Representantes asin Senado.
Sa presente, an Partido Republikano, an partido ni Presidente Donald Trump, an nagkokontrol kan duwang kamara kan Kongreso. Sa huring parte, an mga resulta kan eleksyon importante sa pagpapadagos kan mga polisiya ni Trump sa natatadang duwang taon kan saiyang termino.
May total na 435 na tukawan sa Kamara de Representantes an lalabanan sa eleksyon. Sa 18 distrito na pigklasipikar bilang sarong toss-up o mahigot na laban, 14 an presenteng kapot kan mga Republikano mantang apat an kapot kan mga Demokrata.
Kan alas 8 kan Nobyembre 3, an mga presinto binuksan sa Florida, Delaware, Georgia, Illinois, Louisiana, Maryland, Massachusetts, Michigan, Missouri, Pennsylvania, Rhode Island, South Carolina asin Washington, D.C.
