Pinaparikas na ni House Committee on Agriculture and Food Chairman asin Quezon Rep. Mark Enverga sa Department of Agriculture (DA) asin sa Department of Budget and Management (DBM) an pagluwas kan P14-Billion na pondo para sa nagpapadagos na preparasyon sa Super El Niño.
Giit ni Enverga sa DA na padalion an pagkumpleto kan mga rekisitos na hinahagad kan DBM tanganing mailuwas na an nasabing pondo, na iyo an balanse kan P61.99-bilyon na alokasyon para sa 2026 El Niño action plan.
Segun ki Enverga, pigsierto kan DBM sa mga mambabatas na available an nasabing pondo asin tulos mailuluwas kun makumpleto na kan DA an mga kaipuhan na rekisitos.
Tinawan-duon kaini na importante na magamit na an nasabing pondo bilang tabang sa sektor kan agrikultura, orog na sa mga paraoma na labi-labing apektado kan grabeng tagtuyot.
