Plano magsunad nin kaso an legal team ni dating Ako Bicol Party-list Rep. Elizaldy Co laban sa mga awtoridad na nagsagibo nin seizure sa saiyang luxury vehicles, na sinasabing “illegally searched and seized.”
Sigun ki lawyer Ruy Rondain, kabali sa posibleng kasong isunad iyo an criminal asin administrative charges laban sa mga miyembro kan PNP Highway Patrol Group (HPG) asin marahil pati an Bureau of Customs.
Bako pa malinaw kun saen korte isusunad an mga kaso. Nasa 14 luxury cars an na-seize gikan sa condominium unit ni Co sa Fort Victoria Condominium sa Taguig kan Huwebes nin pagkabangi.
Sigun sa report kan HPG, nakarehistro an mga lunadan sa mga kompanyang pagsasadiri o konektado sa Co, kabali an Eco Leisure and Hospitality Holding Corp., Misibis Resort and Hotel Management Inc., asin Sunwest Construction and Development Corp.
Kan nakalihis na taon, idineklarang fugitive si Co kan Sandiganbayan makalihis dae maghamapng sa korte sa graft asin malversation charges na isinampa kan Office of the Ombudsman katakod sa road dike project sa Naujan, Oriental Mindoro.
