Pormal nang nagpaaram sa professional volleyball si Aby Maraño matapos an 22 taon nin pagkarawat, dara an sarong karera na pano nin kapangganahan, hamon, sakripisyo, asin pagkamoot sa isport.
Sa saiyang emosyonal na pahayag, sinabi ni Maraño na bakong pasil an desisyon na tapuson an saiyang career bilang sarong professional volleyball player.
Minsan, sa ibong kan kulog kan pamamaaram, nakamati siya nin katuninungan huli ta aram niyang naibugtak na niya an gabos sa larangan na namootan niya nin labi sa duwang dekada.
Segun ki Maraño, haloy na niyang aram na maabot an panahon na kaipuhan niyang sarahan an kapitulo kan saiyang buhay bilang sarong propesyunal na parakarawat.
Idinugang man kan volleyball star na mayo na siyang hinahabol pa sa saiyang karera asin mayo siyang pinagsisihan sa saiyang naging paglakbay.
