Inapod kan football star na si Lionel Messi an aldaw kan saiyang pagretiro bilang pinakamamundong aldaw sa saiyang karera.
Nakapuntos pa si Messi nin sarong goal kan daogon ninda an Benin, an football team kan West Africa.
Pagkatapos kan kawat, nagtaram siya kun sain pinasalamatan niya an gabos na nakasabay niya sa laog kan 21 taon na karera.
Idinugang pa kan 39-anyos na football star na dawa nagkaigwa siya nin ano man na problema sa buhay, pinirit niya pa man giraray na bumangon asin lumaban.
Ibinibilang niya na an pagkakawat para sa Argentina football team sarong onra sa bilog niyang karera.
An saiyang pagretiro nangyari pagkatapos kan labi sa duwang bulan kan dai makua kan Argentina an FIFA World Cup title kontra sa Spain.
Sa presente, nakakontrata si Messi sa Miami team sagkod 2028 alagad sinabi niya na posibleng dai na niya ini matapos.
