Binawian na nin buhay an gitarista kan legendary band na KISS na si Ace Frehley sa edad na 74-anyos.
Pigkumpirmar kan saiyang pamilya an nasambitan ng bareta makalihis an pirang aldaw na dinara ini sa ospital asin naka-ventilator.
Nagsapo nin blain breed si Ace makalihis na mahulog sa studio kan nakalihis na mga semana.
Si Frehley an original member kan KISS kaibahan sina Gene Simmons, Paul Stanley asin Peter Criss.
Kaibahan ini sa banda puon 1973 hasta 1982 antes na maghali sa grupo huli sa isyu kan paggamit nin iligal na droga asin dae pagkakaintindihan kan nagkapirang miyembro.
Nagbilog an nasambitan ng gitarista nin sadiring banda na “Frehley’s Comet” na nagdurar nin puon 1984 hasta 1988 antes nabuwag.
Nagbalik si Frehley sa KISS kan 1996 para sa reunion tour asin nagtitinir nin hasta 2002.
Kaibahan ini sa mga hit songs kan banda siring kan “Detroit Rock City”, “Rock and Roll All Nite” asin kadakol pang iba.
