Pighahanap na kan Philippine Navy an saro pang naireport na underwater drone o glider na soboot namataan sa kadagatang sakop kan Bohol.
Enot nahiling kan parasisira an nasambitan ng done na naglalataw sa kadagatan alagad dae soboot ninda ito pigkua huli sa takot.
Basado sa video kan nasambitan ng drone, ini an kulay silver asin pula asin man pinagtutubudan na ika-6 na underwater drone kan namataan sa manlen-laeng kadagatan kan nasyon.
Segun ki Philippine Navy Spokesperson for the West Philippine Sea, Rear Admiral Roy Vincent Trinidad, pighahanap na ninda an drone asin naglalaom na mahiling giraray liwat, makua, asin dagusang maisairarom sa forensic investigation.
Nangapudan man ini sa mga parasisisra na dae matakot enkaso liwat na mahiling, imbes tulos na ipaapod sa mga otoridad tangani na makagibo nin nagkakanigong aksyon dapit digde.
An panibagong drone sighting an kasunod man kan narekober na drone sa probinsya kan Masbate kansuarin sana.
Dae man pighahali kan Philippine Navy an posibilidad na an nasambitan ng drone an piggagamit sa military application.
