Sinaysay ni Rear Admiral Roy Vincent Trinidad, AFP spokesperson para sa West Philippine Sea, na an Bondi Beach mass shooting sa Sydney, Australia an mas tamang ikonsiderar na antisemitism kumparar terorismo.
Sigun ki Trinidad, an antisemitism an poot laban sa sarong partikular na grupo kan tao, na posibleng gumamit nin kadahasan alagad dae nangangaipuhan nin haloy na radicalization.
Sa ibong banda, an terorismo an nangangaipuhan nin halabang proseso kan radicalization asin kadahasang indiscriminate laban sa publiko. Ipinaliwanag kaini na an pag-atake sa Bondi Beach kan nakalihis na Dec. 14 an partikular na target an mga Hudyo sa Hanukkah Festival, kaya bako ini kaparehas kan mahewasang terorismo siring na sana kan 9/11 sa U.S., Bali bombings, o London subway bombings.
Pigsierto man ni Trinidad na an pagtitinir kan ama asin aki na sinda Sajid Akram, 50 anyos, asin Naveed, 24 anyos, sa Davao magpuon Nov. 1 hasta Nov. 28 an dae nagdara nin radicalization. Sigun sa AFP, dara na kan suspects an saindang poot asin kakayahan sa paggamit kan armas antes pa man magpasiring sa Pilipinas.
Manungod sa spekulasyon na nagpahiling an suspects nin nightlife activities sa Davao, sinaysay ni Trinidad na siring ini kan pattern kan mga 9/11 suspects—nagpapahiling na an intensyon an igwa na, antes pa man an saindang biyahe sa Pilipinas.
Pinahimutikan man kan opisyal an mga pahayag na an Mindanao an nagtitinir na sentro kan terorismo.
Sigun sa AFP, mula sa higit 1,200 extremist fighters noong Marawi incident, nagbaba na sa Poco mas o menos 50 an natatadang grupo, na nababanga sa saradit na grupo asin kulang sa liderato.
Kadaklan sa mga dating miyembro an ngunyan imbwelto sa krimen o alitan kan pamilya kaysa sa organisadong terorismo. Binanggit kaini na an mga dating teroristang lugar siring kan Basilan asin Sulu an bukas na sa turismo asin may lumalagong lokal na ekonomiya.
Sa Lanao del Sur, matuninong na an Maute Group magpuon 2017, asin nagbaba man an Ansar al-Khilafah Mindanao makalihis magadan an mga lider kaini.
