Bako nang bago para ki Aiko Melendez an pagsabak sa pulitika.
Magigirumduman na nagin konsehal na an aktres sa panduwang distrito kan Quezon City puon kan nakalihis na taong 2001 hasta 2010.
Dae naman tigpalad an actress-politician kan magdalagan ini sa pagka-Bise Alkalde kan siyudad kan nakalihis na 2022.
Dawa ikaduwang termino na ngunyan ni Aiko komo konsehal kan ikalimang distrito dae nagsagi saiya nuarin man na magin alaklde kan Quezon City.
Anom na taon pa sana kan magpuon an aktres sa show business. Para ki Aiko talagang dakula an pagkakaiba kan kinaban na saiyang pighihiroan sa haros apat na dekada.
Aminado si Aiko na igwang mga pagkakataon na nadidipisilan na mawara sa mga karakter na saiyang ginigibo.
Mientrastanto, naayos na man an gusot sa pag ultanan ninda Aiko asin Candy Pangilinan. Haros duwang dekada nang matalik na amiga kan actress-politician sinda Candy, Carmina Villaroel asin an magtugang na Janice asin Gelli De Belen.
