Nag-anunsyo si House Speaker Faustino “Bojie” Dy III na an mga in-person sa aktibidad mabawasan sa pag-host kan Pilipinas kan ASEAN Inter-Parliamentary Assembly (AIPA) ngunyan na taon, bilang simbag sa mga tensyon sa bilog na kinaban asin nag-iitaas na gastos, orog na an presyo kan krudo.
Segon ki Speaker Dy, limitado sana sa General Assembly sa Oktubre an mga physical gathering asin sa Nobyembre an Interface Meeting, mantang an iba pang preparatory meeting gigibohon online.
Kasunod ini kan direktiba ni Presidente Ferdinand Marcos Jr. na gibohon na mas episyente an mga opisyal na aktibidad.
Sa ibong kan pagbawas sa gastos, pig-asegurar ni Speaker Dy na padagos nindang utubon an saindang mga itinaong trabaho bilang mga host kan AIPA. Mientrastanto, sinaysay man ni Deputy Speaker Maria Rachel Arenas na piggigibo na an mga preparasyon ngani na magin maray an implementasyon kan hybrid setup kan AIPA meetings.
Tinawan doon ni Dy na sa ibong kan pagbabagong ini, an Pilipinas magdadanay na aktibo sa relasyon parliamentaryo sa ASEAN, mantang pig-eenot an karahayan kan mga namamanwaan sa paagi nin pagtipid sa gastos asin paggamit nin mga digital na plataporma.
