Aram baya nindo mga ka-bombo, nabugtak sa peligro an buhay kan sarong aki kan mahulog ini gikan sa sarong ski lift o gondola sa langkaw na 40 talampakan mantang pasakat nin bukid sa Hebei, China.
Maski mayong malay kan maabutas kan rescuers, himala ining nakasalbar. Sinaysay na nangyari an insidente sa sarong ski resort sa Hebei, China.
Yaon soboot duman an aki para sa skiing lessons.
Igwang iba pa na kaiba an aki sa gondola alagad dae soboot napansin kan mga ini an pagkahulog kan biktima.
Alagad dae malinaw sa local reports kun sisay an kaiba kaini sa gondola.
Sa video, mahihiling na nakalambitin na sa gondola an aki.
Nanutaran ini kan mga tawo na nakalunad sa ibang gondola na nakasunod sa aki.
Alagad kan orog pang mag-andar pasakat an gondola, nakabutas na an aki asin nahulog sa langkaw na pigkakalkulong nasa 40 talampakan.
Nagbagsak an aki sa parte na kadakol kahoy asin igwang snow sa ibaba.Tulos na pigtabangan kan emergency services an aki asin dinara ini sa ospital.
Bagaman mayong malay kan mahiling an biktima, nakaligtas man ini.Pigtutubodan na nakatabang sa aki tanganing makasalbar an mga sanga kan kahoy na saiyang binagsakan na mistulang nagsalo sa saiya.
Nabawasan man an impact kan saiyang lagapak huli sa snow sa ibaba.Sigun sa pamayuhan kan resort, igwang safety boards asin anti-slip features an saindang gondola.
Tuyong sadit sana soboot an aki para sa piglunadan kaining dakulan cabin kaya posibleng magdausdos.
Pagiromdom man kan nag-upload kan vide, bako sana ito an enot na insidente na igwang nahulog gikan sa gondola.
Kaya dapat sobot magin alerto an mga magurang tanganing malikayan an siring na insidente.
Mayong pahayag an resort katakod sa reklamo na posibleng isunad kontra sa sainda.
