Alas Pilipinas Women bigo sa Thailand SEA V Cup

Nabigo an Alas Pilipinas Women sa Thailand sa nagpapadagos SEA V Cup.

Dae nakaporma an Pilipinas sa Thailand sa score na 25-17, 19-25, 25-15, 18-25, 15-10 sa kawat na pigkundusir sa Dong Anh Gymnasium sa Hanoi, Vietnam.

An Thailand an koponan na dae pa nadadaog sa Pilipinas poon pa kaitong 1993 Southeast Asian Games.

Sa pagtatarabangan nina Bella Belen, Eya Laure asin Alyssa Solomon nadara ninda an kawat sa laog nin limang set.

Alagad sobrang nagin matindi an kawat na ipinahiling kan Thailand asin dagos na dinaog an Pilipinas.

Dinaog an Alas sa 10 kawat kontra Thailand poon pa sa inot na parte nin torneo kan 2019.