Pigpahayag kan aktor na si Alden Richards an saiyang kamawotan na magkaigwa nin kolaborasyon ki Anne Curtis sa sarong proyekto.
Sa sarong entrevista, pigsaysay ni Alden an saiyang kamawotan na makatrabaho an multi-talented actress.
An duwa an nagkahilingan naman sa manlaen-laen na events asin nagkaigwa naman nin pagkakataon na mag-bonding alagad sigun sa aktor dae pa sinda nagkakaibahan sa sarong proyekto.
Mientrastanto, liwat man na pigpahayag ni Alden an saiyang kapreparaduhan na pahewason an saiyang role sa industriya komo sarong producer.
Kasuarin sana natapos na kaini an production para sa Death March, sarong international film na an saiyang kompanya na MYRIAD Corporation an nag co-produced.
Pigheras man ni Alden an saiyang nanudan sa pagtrabaho sa foreign production.
Marurumduman kan nakalihis na taon, an pelikula kan aktor kaibahan si Kathryn Bernardo na Hello, Love, Again, an pigmirar komo highest grossing Filipino film of all time makalihis na makakua nin kita na haros P1.6B worldwide.
