Pigpagiromdom kan grupong Philippine Animal Welfare Society (PAWS) na bakong christmas gift an mga ataman na hayop.
Paliwanag kan grupo na an mga ataman na hayop an bakong mga kawatan na pwede sanang itao komo mga regalo ngunyan na Pasko, orog na sa mga tawong dae pa preparado para sa sarong long-term commitment.
Naninidugan man an grupo na an mga hayop an bakong garong material gift na basta na sana ipigtatao, bagkus an mga ini an pawang igwang sadiring buhay na nangangaipuhan nin mental, emotional, asin physical na pag-ataman.
Apelar kan grupo sa publiko na an paggibo nin maray an bako sana dapat para sa mga tawo kundi magin sa mga ataman na hayop na kalimitan nakadepende sa commitment kan siisay man nag-ataman sa sainda.
Ipighalimbawa man kan mga ini an pirang pagkakataon na saindang namonitor sa mga nakalihis na taon kun saen nalilingawan asin napapabayaan kan mga indibidwal an saindang naresebir na regalong hayop makalihis mawara an excitement.
Pig-abisuhan pa kan grupo an mga indibidwal na igwang naresebir na regalong hayop ngunyan na pasko na kun dae man kayang maitao an pangangaipuhan kan mga ini an mas marhay na sayumahan o ibwelta na sana an regalo sa magalang na paagi.
