Nagtala nin dikit na paglangkaw asin pagbaba sa lebel kan tubig an nagkapirang mayor na dam sa Pilipinas, susog sa pinakabagong datos kan Philippine Atmospheric, Geophysical and Astronomical Services Administration (PAGASA).
Base sa rekord kan alas-otso nin aga ngunyan na Lunes, anom sa siyam na mayor na dam sa nasyon an nagtala nin paglangkaw sa water level, mantang tolo man an nagtala nin pagbaba kun ikukumpara sa lebel kan tubig kan Domingo, Oktubre 18.
An Caliraya Dam sa Laguna an nagtala nin pinakadakulang paglangkaw sa water level, na nadugangan nin 0.40 metro hale sa 286.30 metro asin nagin 286.70 metro.
Sinundan ini kan Ambuklao Dam sa Benguet, kun sain naglangkaw nin 0.14 metro an water level hale sa 751.06 metro asin nagin 751.20 metro.
Naglangkaw man nin 0.05 metro an lebel kan tubig sa Pantabangan Dam sa Nueva Ecija.
Mantang, nagbaba nin 0.05 metro an water level sa Angat Dam sa Bulacan.
Nagtala man nin pagbaba sa lebel kan tubig an Binga Dam sa Benguet, na nagbaba nin 0.08 metro.
Siring man, nagbaba an water level sa Magat Dam sa Isabela hale sa 191.88 metro asin nagin 191.75 metro, katumbas nin pagbaba na 0.13 metro.
Dikit man na naglangkaw an lebel kan tubig sa La Mesa Dam sa Quezon City, na susog sa datos, nagdanay sa 79.44 metro.
