NAGA CITY– Nagpadagos ngunyan an isinasagibong search and destroy operation kan mga otoridad sa Sangay, Camarines Sur.
Ini may koneksyon sa suboot naglalalang kaso nin dengue sa lugar.
Sa entrevista kan Bombo Radyo Naga ki Mayor Jovi Fuentebella, sinabi kaining inaasikaso na ninda an pagbilog nin Municipal Anti Dengue Committee asin Brgy. Anti Dengue Task Force para mas matabangan an mga residente na masugpo an kaso nin dengue.
Dugang pa kaini, dae suboot nadagos an saindang planong mag papa-usok huli ta dae paman idinideklarar kan Department of Health (DOH) an Dengue Outbreak sa lugar.
Sigon sa alkalde an Brgy. San Antonio asin San Isidro an nagkapira sana sa mga may nairehistro nang dakol na kaso kan dengue sa banwaan.
Sa ngunyan, igwa naman 66 na kaso sa lugar mantang may kabilugang 1,372 man sa bilog na probinsya.
