Maogmang pigheras kan actress na si Arlene Muhlach an pagtatapos kaini sa kolehiyo sa edad na 55.
Sa social media account kan actress, nagpost ini nin mga ladawan na kua gikan sa saiyang pagtatapos sa kolehiyo.
Isinagibo an graduation rites sa Philippine International Convention Center (PICC) asin ini an nagtapos sa degree kan Bachelor of Arts in Communication gikan sa Philippine Women’s University.
Sinaysay kaini na nag-pundo ini sa 3rd year college tanganing tawan nin dalan an saiyang showbiz career asin an pamilya.
Kasabay man kaini, pinasalamatan kaini an saiyang mga professors asin mga kaklase sa Expanded Tertiary Education Equivalency and Accreditation Program (ETEEAP) huli sa pagtitiwala sa saiyang kakayahan asin abilidad.
Nagbulos man an pagbati gikan sa kaibanan kaini sa showbiz industry.
