Amay an mga tagasuporta ni Bise Presidente Sara Duterte nagtiripon sa atubangan kan Quezon City Hall para sa saiyang nakatalaan na arraignment sa kaso nin grave threats ngonian na Biyernes, Setyembre 11, 2026.
Mainit an salubong kan mga supporters ni Bise Presidente sa iyang pag-abot sa Quezon City Regional Trial Court (RTC) kaiba an saiyang tugang, na si Davao City 1st District Representative Paolo “Pulong” Duterte.
Sa ibong kan legal na isyu na saiyang kinakahampang, nagpasalamat pa an bise presidente sa mga padagos na nagsusuporta saiya.
Nagtaram si Duterte sa saiyang mga supporters sa luwas kan korte makalihis na i-postpone an nakatalaan na pagbasa kan akusasyon kontra saiya sa grave threats case.
An pag-oktaba kan arraignment nangyari makalihis na magsangat nin petisyon an saiyang kampo para sa Temporary Restraining Order (TRO) sa Korte Suprema tanganing mapondo an pagdangog kan kaso.
