Ikinahadit kan United Nations atomic watchdog na magkakaigwa nin labing epekto enkaso tamaan kan missiles kan Israel an nuclear facility kan Iran.
Pigsaysay ni International Atomic Energy Agency (IAEA) director Rafael Grossi, na magkakaigwa nin halangkaw na pagluwas kan radioactivity ebkaso tamaan an Bushehr na gibo kan Russia na makukua sa Gulf Coast.
Nangapudan ini sa pigkundusir na UN Security Council meeting na dapat an maghiro na sinda na mapugulan an anuman na pag-atake.
Magin an mga nasyon na nakapalibot sa Gulf Coast an madadamay.
Pigsierto kan opisyal na igwa sindang mahigot na pagbabantay asin dae magibo nin nuclear weapons an Iran.
Marurumduman sa labi sarong semana na ribayan kan missiles kan Iran asin Israel an igwang mga nagkapirang mga sibilyan na an nadamay.
Sa ngunyan padagos na nakabantay an bilog na kinaban sa sitwasyon sa pag-ultanan kan Iran asin Israel orog na sa naglalang epekto kaini sa bilog na kinaban.
