Pighayag kan presenteng sekretaryo kan Department of Justice na si Secretary Jesus Crispin Remulla na pigsayumahan kan nasyong The Netherlands an asylum application ni dating presidential spokesperson Atty. Harry Roque.
Sa sarong pahayag, pigheras kan nasambitan ng sekretaryo na igwa ining impormasyon na pwedeng magsabi na dai inako an aplikasyon ni Roque.
Segun saiya, ipinadara na man sa Germany an kaso dapit sa pagresolber kan saiyang asylum application.
Huli kaini, hahalaton sana soboot kan Department of Justice kun ano an magigin resulta manungod digdi asin sinabi kaini na posibleng magsangat nin extradition kontra ki Atty. Harry Roque.
Alagad idinugang pa kan sekretaryo na posibleng dae na ini kaipuhan huli ta posibleng kanselaron an saiyang pasaporte.
Asin enkaso an dating tagapagtaram kan presidente pigkokonsiderar na sarong ‘undocumented alien’, an International Criminal Police Organization pwedeng maglaog digdi.
