Naghain nin petisyon sa Kataas-taasang Hukuman an abogadong si Atty. Romulo Macalintal manungod sa pagpapaliban kan Barangay and Sangguniang Kabataan Elections 2026.
Sa inihaing ‘Petition for certiorari and prohibition’, kinukwestyon ni Atty. Macalintal an ley na nagkawsa tanganing dai matuloy an kuta gigibuhong eleksyon.
Kaya, personal niya aniyang pinuntahan an Korte Suprema tanganing hagadon na tulos aksyunan an petisyon asin magsagawa nin ‘special raffle’.
Segun sa abogado, kaiba sa petisyon an kahagadan na mag-isyu an Korte Suprema nin TRO o Temporary Restraining Order tanganing pugulan an implementasyon kan Republic Act No. 12326, an ley na nagpaliban sa BSKE 2026.
Nagtutubod an petisyuner na an pag-postponed kan eleksyon sarong pagbalga sa karapatan kan mga namamanwaan na makapili nin kuta mamamayo na mga lider kan barangay.
Sobra na aniyang halaba an termino kan mga opisyal kan barangay huli sa pauli-ulit na pagkaudlot kan nasabing eleksyon.
