NAGA CITY – Ipigheras kan Naga City Police Office an augmentation forces para sa seguridad sa papaabuton na Peñafrancia 2025.
Sa entrevista kan Bombo Radyo Naga ki PSSG Robert Aguillon -Assistant PIO, NCPO, sinaysay kaini na natapos na an saindang joint operation committee meting para sa papaabuton na ka-fiestahan sa siyudad nin Naga kun saen ini soboot pigpapangenotan kan Archdiocese of Caceres magin kan lokal na gobyerno kan nasambitan ng siyudad, asin kan NCPO.
Katakod kan augmentation forces, kaipuhan soboot i-request gikan sa ibang ahensiya orog na sa Police Regional Office 5 , kun saen kinakaipuhan nin nasa 3,000 na mga personahes na mamando asin magmantinir kan katoninongan asin kaayusan sa oras na kasiributan.
Sigun pa ki Aguillon na maski ngani sa traslacion dae malilikayan na igwang nairerehistrong kariribokan huli man sa ibang mga voyadores na dae tatao magsunod sa disiplina na ipigpapautob cofradia.
Pigtawan-duon pa kan opisyal na sa papaabuton na Peñafrancia Fiesta 2025 an mayor soboot kaining deployment an yaon sa traslacion asin fluvial procession, mantang an iba man na aktibidad na papangenotan kan simbahan igwa man nakalatag na seguridad orog na sa pagmanehar kan trapiko.
Mientrastanto, an 1500 personnels man na mabantay sa seguridad sa papaabuton na ka-fiestahan an gikan sa Police Regional Office 5, asin nasa 800 na personahes man an gikan sa Naga City Police Office, mantang an iba an gikan sa ibang agencies siring kan Philippine Army, Philippine Air Force, asin Philippice Coast Guard, ini an katuwang kan siyudad tanganing masierto na salbado asin toninong an gigibuhon na Peñafrancia 2025.
