Sarong lalaking Australian an pig oomaw komo “bayani” makalihis kaining makipagbuno sa sarong gunman asin makua an armas kaini sa Bondi Beach, Sydney.
Si Ahmed al Ahmed, sarong 43-taong anyos na tindero kan prutas, an nagpahiling kan matapang na paghiro kan makipagbuno ini sa gunman asin makua an armas kaini.
Sigun sa report, si Ahmed an nagsapo nin duwang putok kan badil mantang nag aagawan nin armas sa gunman. An saiyang matapang na paghiro an pinagtutubudang nakapagsalbar kan kadakol na buhay.
Pig omaw kan Punong Ministro kan Australia na si Anthony Albanese si Ahmed asin iba pang mga Australiano na “mga bayani” asin sinabi na an saindang katapangan an nakapagsalbar nin buhay.
An Premier kan New South Wales, si Chris Minns, an nagpahayag man nin paghanga ki Ahmed asin sinaysay na ini an sarong “tunay na bayani”.
An pagbadil sa Bondi Beach an nagresulta sa pagkagadan kan 16 na tao asin pagkairido kan kadakol pang iba. An mga awtoridad an nagsabi na an pagbadil an sarong teroristang pag-atake na nagta-target sa komunidad kan mga Hudyo
