Aram baya nindo mga ka-bombo, sarong Canadian student na si Javeria Wasim an nagpurbar na magkagat sa sarong sadit na jawbreaker candies na nagin rason tanganing mabari an saiyang panga.
Sigun sa 19-anyos na babae, an nasambitan ng desisyon an pigkokonsederar kaini na pinakamaraot nin huli ta sinapo kaini an pinakamakulog na pagbuka kan saiyang ngimot.
Basado sa report, kadakol soboot nahiling na video si Wasim dapit sa mga nagpupurbar na magkagat sa jawbreaker candies alagad dae nagtrayumpo kun kaya nagdesisyon ini na purbaran man.
Tolos na pigdara sa ospital an babae makalihis na masakitan na magbuka kan saiyang ngimot huli sa labing kulog.
Susog man sa x-ray result ni Wasim, nagsapo ini nin fractured sa saiyang panga makalihis na magkagat sa nasambitan ng candy.
