Aram baya nindo mga ka-bombo, sarong Chinese na babae an kasuarin sana nagin sikat sa social media makalihis na ipahiling an saiyang kakaibang harong.
Ini an 6-square-foot toilet sa saiyang pigtatrabahuhan kun saen nagbabayad sana an babae nin nasa 50 yuan o $7.
Susog sa report, an babae na gikan sa Hunan, China an kasuarin sana pigkilhag an kinaban makalihis na i-post an saiyang pig-iistaran na sarong sadit na banyo na makukua sa sarong furniture factory kun saen man ini nagta-trabaho.
An 19-anyos na babae, nagpaliwanag na an saiya soboot na pamilya an gikan sa teos asin dae kayang magbayad kan nasa 800 yuan o $110 para sana sa marhay na harong kun kaya nakiulay ini sa saiyang boss na sa banyo na sana mag-istar.
An nasambitan ng post kan babae an nagin viral, alagad kadakol man na mga tawo an nagkomento na ginibo sana soboot ini kan babae tanganing makaguno nin kadakol na atensyon orog na ta katwiran kan iba siisay an mawot na mag-istar sa siring na kamugtakan.
Katakod digde, pigdepensaran man an babae kan saiyang employer asin pigkumpirmar na talagang nagtuturog ini sa sadit na banyo sa saiyang factory.
Mientrastanto, makalihis man na magin viral an post kan babae, pigkumpirmar kaini na nag-drop out ini sa eskwelahan sa edad na 16-anyos tanganing makatabang sa saiyang pamilya sa pinansyal na aspeto.
