NAGA CITY – Pigheras kan sarong opisyal kan Commission on Election (COMELEC) sa Camarines Sur an mga bago sa automated machine na gagamiton para sa 2025 National and Local Election.
Sa nagin paghampang sa mga kagawad kan media ni Atty Noriel Badiola COMELEC Officer Camarines Sur, sinaysay kain na an machine na gagamiton ngunyan sa election an dati man giraray alagad igwa na ini nin mga bagong feature siring kan antes pa man bilangon an mga boto, mahihiling na sa ini sa screen na napipindot o touch screen tanganing mahiling an accuracy kan saindang mga binoto.
Apwera pa digdi, piglaogan man nin tahob sa gilid kan machine tanganing mayong makahiling sa kun isay man an binotohan kan botante.
Dugang pa digdi na mas marekas an transmission kaini asin automatik man ining nag-aadjust enkaso dae lapat an pakakalatag kan sarong botante.
Mientrastanto, piglinaw man kan opisyal an nangyari na problema kan nakalihis na eleksyon an bakong huli sa makina, kundi huli sa misconception kan manlaen-laen na sektor, na mayo man maipahiling na ebidensya na igwa nin nangyaring dayaan.
Dugang pa digdi, an huli sa kakulangan kan transparency na maipahiling sa publiko.
Katakod kaini, lambang munisipyo man igwa kan nasambitan ng machine mantang igwa man sinda nin contingency sa provincial office na kun saen enkaso magkaigwa nin huma sindang maipapadara na pangsalida.
