Ipigheras kan Bangko Sentral ng Pilipinas (BSP), na an inflation ngunyan na bulan nin Mayo posibleng magpakol sa 7.1% hasta 7.9% . Kun mangyari ini, mas halangkaw ini sa 7.2% na nairehistro kan Abril asin pwedeng pinakahalangkaw sa laog nin labing tolong taon.
Saro sa mayor na rason kan paglangkaw kan inflation iyo an padagos na paglangkaw kan presyo kan mga basic foods arog kan bagas, gulay, asin karne. Halangkaw pa an presyo ninda sa mga merkado, lalo na sa Metro Manila.
Nakakontribwir man sa paglangkaw kan presyo an pagluya kan piso kumpara sa dolyar. Huli kaini, mas mahal an pag-importar nin mga produkto arog kan pagkakan, lana, asin mga hilaw na materyales na ginagamit sa pagprodusir nin ibang produkto.
Alagad, medyo nabawasan an epekto kan paglangkaw kan presyo nin huli sa pagbaba kan presyo kan singil sa gasolina, sira, asin kuryente. Nakatabang ini na dai na maglangkaw pa an inflation.
Segun ki Michael Ricafort, posibleng mag-abot sa 8% an inflation asin padagos na maglangkaw sa mga masunod na bulan. Kun an inflation padagos na maglampas sa target na 2% hasta 4%, posibleng maglangkaw an interes kan BSP tanganing makontrol an paglangkaw kan presyo kan mga barakalon.
