ARAM baya nindo mga ka-Bombo, sarong bagong species kan sinaunang marine reptile na inapod na Xiphodracon goldencapsis o “sword dragon” an natuklasan sa England, sigun sa pag-aadal na isinurat sa Papers in Palaeontology kan nakalihis na Huwebes, Oktubre 2, 2025.
An bagong tuklas na nilalang an kaibahan sa mga ichthyosaur—mga dambuhalang reptile na nabuhay sa dagat kan nakaihis na Early Jurassic era, pigkakarkulong 190 milyong taon na an nakakalihis.
Nanutaran an mga fossil kan nakalihis na 2001 ni propesyonal na fossil collector Chris Moore sa Golden Cap kan Charmouth, parte kan bistadong “Jurassic Coast” kan England na bistado sa mayamang deposito kan mga fossil.
Sigun sa mga mananaliksik gikan sa University of Manchester haros perpektong napreserba an fossil, kaibahan an bungo na igwang dakulang eye socket asin halabang garo espada na nguso kaya nakua an bansan na “sword dragon.”
Nahiling kan mga siyentipiko na kakaiba ini sa ibang ichthyosaur huli sa bilog kaining labot kan dungo asin saradit na nagipon na nagpapahiwatig na nagkakakan ini nin malulumoy na hayop siring kan pusit asin sararadit na sira.
Pigkakarkulo kan mga eksperto na an X.goldencapsis an igwang kabang haros 10 talampakan asin namuhay sa panahon na padikit-dikit nawawara an nagkapirang pamilya kan ichthyosaur.
Pigkokonsiderar ining saro sa pinakumpletong fossil kan sinaunang reptole gikan sa Pliensbachian period.
