Nagheras an Bureau of Customs (BOC) nin mga bagong plano para sa digitalization asin pakikipagkoordinar sa mga stakeholder sa sarong pag uulay kaiba an EU-ASEAN Business Council asin European Chamber of Commerce.
Pinamayuhan ni Department of Finance (DOF) Undersecretary Charlito Martin Mendoza an nasambitan ng pag-uulay, kun saen pinag-ulayan an preparasyon kan mga proseso sa customs asin man an preparasyon kan Pilipinas para sa pagigin chairman kan ASEAN sa 2026.
Sigun ki BOC Commissioner Ariel Nepomuceno, an ahensya an tutok sa mas marikas, malinaw, asin pare-parehong proseso. Kaiba sa mga proyekto an Customs Processing System (CPS), electronic invoicing, asin pre-border verification tangani mabawasan an manual na pagkapot asin dugang na gastos sa pag-import asin pag-export.
Pigtawan duon man ni Nepomuceno na an obheto kan full digitalization an bako sana tangani maglangkaw an koleksyon, kundi tangani pugulan man an smuggling na nakakaapektar sa tiwala kan mga negosyante asin sa patas na kompetisyon.
Sa huri kan pag uulay, nagpromisa an BOC asin DOF na padagos sindang magtatarabangan para sa sarong malinaw, mahusay, asin modernong sistema kan customs na makakatabang sa paglago kan ekonomiya kan bilog na Pilipinas.
