Ipinapadagos ni Senate President Win Gatchalian an pagbabawal sa cross-ownership sa pag-ultanan kan mga Generation Company (GenCo) asin Distribution Utility (DU) tanganing magkaigwa nin patas na kompetisyon sa sektor kan kuryente asin mapababa an presyo kan bayad sa elektrisidad.
Sa saiyang pahayag, sinabi ni Gatchalian na nagsunad ini nin Senate Bill No. 1091 na obhetong baguhon an Republic Act No. 9136 o an Electric Power Industry Reform Act (EPIRA) kan 2001.
Sa irarom kan panukalang ley, ipinagbabawal sa ano man na Generation Company (GenCo), kabali na an mga
kaini, an pagkakaigwa nin interes o pag-ako nin pagsasadiri kan ano man na Distribution Utility (DU).
Pareho man kaini, ipinagbabawal sa mga DU an pagkakaigwa nin interes sa mga GenCo. Ipinagbabawal man kaini sa ano man na opisyal kan Generation Company (GenCo), o kan mga subsidiary o affiliate na maglingkod komo opisyal o direktor kan sarong Distribution Utility (DU) o kan affiliate kaini. Pareho man an patakaran sa ibong na lado, siring sa sinabi ni Gatchalian.
Segun pa sa Senador, kun dai ipagbabawal AN cross-ownership, magigin masakit na masierto kun an sarong Distribution Utility tunay na naggigibo para sa kapakanan kan mga konsyumer sa pagpili o pagkakontrata nin suplay kan kuryente.
