Naglalaom si Senate Minority Leader Koko Pimentel na masasambitan ni Presidente “Bongbong” Marcos Jr sa saiyang ikatolong State of the Nation Address (SONA) an dapit sa mga Philippine Offshore Gaming Operation (POGO) sa nasyon.
Sigun ki Pimentel, kun iaanunsyar ni Presidente Marcos sa saiyang SONA an pag-ban sa gabos kan POGO activities sa nasyon an sierto na makakahatak ini kan saiyang approval rating asin popularity.
Dugang pa kan opisyal, posibleng pigtatago paramientras ini kan Presidente hasta sa saiyang SONA asin enkaso masambitan ni Marcos an dagusang pagbabawal sa mga POGO an magayon na political move kaini.
Pigsaysay pa man ni Pimentel na dae na makikilhag an gabos kun i-ban an mga POGO sa nasyon kundi maoogma pa an mga Pilipino.
Pigtawan duon pa kan senador na kun tutuuson abonado pa an nasyon sa POGO huli sa mistulang binawi an kita digde nin huli ta dakula an ginagastos kan gobierno sa law enforcement para sa paglaban sa kriminalidad na dara kan mga POGO.
