Nagkakaubusan na an suplay nin nagkapirang mga sawsawan na gikan sa Pilipinas siring ka ketchup, sarsa, asin bagoong sa nagkapirang merkado sa New York.
Ini an kasunod kan pag-isyu nin United States Food and Drug Administration (FDA) kan Import Alert Number 99-45 kan nakalihis na Oktubre 25, na nagbabawal sa paglaog kan multiple all-purpose sauces asin shrimp pastes gikan sa Pilipinas.
Apwera sa Pilipinas, apektado man kan import alert an nasa 30 nasyon sa bilog na kinaban.
An mga kompanya na nasa red list an subject to detention without Physical Examination, na boot sabihon an anuman na paagi na ilaog an mga produktong ini sa US an magreresulta sa pagkakakumpiskar kan mga ini.
Sigun sa import alert, an mga produkto an posible soboot na mahali na sa red list kun maipapahiling kan mga kompanya na naresolbar na kan mga ini an mga isyu katakod sa food additive sa saindang mga produkto.
