Matrayumpong naikundusir kan Barangay Cagsao Calabanga Camarines Sur an na Bancarera Competition.
Sa intrevista kna Bombo Radyo Naga ki Kap. Danilo Olalo, taon-taon kinukundusir an aktibidad tuyong selebrasyon kan kapiestahan kan saindang Barangay asin saro na ining tradisyon kan Barangay.
Binanga sa tolong categorya an kompetisyon na compuesto kan Aircold para sa mga darakulang Bancang de- motor, Kimbohan para sa saradit na bancang de motor asin an Sagwanan.
Labi an pagpapasalamat kan opisyal huli ta yaun man an partisipasyon kan Philippine Coast Guard- Calabanga tanganing maasigurar an kasalbaduhan kan gabos na kabali sa kumpetisyon.
Makalihis an kumpetisyon sinundan ini kan clean-up drive na pinangenotan kan PCG-Calabanga.nagkaigwa man nin mga pakawat na maogmang pinagpartisiparan kan mga residentes.
Kinundusir man an taon-taon na fluvial procession komo pagtao nin respeto asin debosyon sa saindang patron. Sarong angat an panahon huli ta makusog an dagat alagad dai ini naging kaulangan tanganing maging maogma an aktibidad.
