Sa ika-34 na aldaw kan pagbista, inusisa an mga bank accounts kan mag-asawang VP Sara Duterte asin Atty. Manases Carpio.
Ibinunyag kan Philippine Savings Bank (PS Bank) na igwa sindang sampulong (10) bank accounts na naglalaog nin minilyon na piso.
Alagad, dai tinugutan ni Trial Presiding Officer Sen. Chiz Escudero na ipahiling sa publiko an kabilugan na kantidad kan pondo sa mga ini.
Ini may koneksyon sa report kan Anti-Money Laundering Council (AMLC) manungod sa “suspicious transactions” kan mag-asawa.
Pinanindugan ni Atty. Niña Aguilar kan Metrobank na an gabos na “suspicious transactions” na irineport sa AMLC, nag-agi sa masusing pagsusuri asin validation.
An pahayag na ini ginibo kasunod kan hapot ni Sen. Kiko Pangilinan kun paano nadeterminar an mga kahina-hinalang transaksyon.
Segun ki Aguilar, dai basta-basta irinereport an mga transaksyon bilang “suspicious” tanganing dai maapektuhan an bank profiles kan mga account holders.
