Nagin sentro kan mga bareta sa bilog na kinaban an nagin banta ni Vice President Sara Duterte kan nakalihis na Biyernes na soboot pinapagadan kaini sa sarong hitman si Presidente Ferdinand Bongbong Marcos asin agom kaini na si Liza Araneta Marcos asin Speaker Martin Romualdez kun enkaso ini an magadan.
Susog sa ley, an siisay man na nagbanta sa buhay kan Presidente asin pamilya kaini an posibleng makulong.
Marurumduman, pigkonsederar kan National Security Council (NSC) na seryoso asin sarong isyu kan national security an gabos kan mga banta sa Presidente.
Sigun ki National Security Adviser Eduardo Año’ na gabos kan mga banta sa buhay kan Punong Ehekutibo an saindang pigva-validate asin pigkokonsederar na isyu kan National Security.
Nakikipag-koordinar naman soboot sinda sa manlaen-laen na mga law enforcement agencies asin intelligence agencies tanganing imbestigaran an nasambitan ng banta. banta.
