Namaaram na sa kinaban si Benjamin Satterley, an bantog na English wrestler, sa edad na 40.
Kinumpirma kan All Elite Wrestling (AEW) an pagkagadan ni Satterley, na mas bisto sa ring bilang si Pac.
Segun sa AEW, nagpoon an karera ni Pac kan 2004 asin poon kaidto, nagtatanghal na siya sa manlaen-laen na parte kan kinaban.
Dai man sinambit kan kompanya an kawsa kan saiyang kagadanan.
Nagpirma si Pac sa All Elite Wrestling kan 2019 kun sain nakakua siya nin mga AEW Championship asin nakipaglaban sa manlaen-laen na laban sa laog kan AEW.
Naglaban man siya sa WWE sa irarom kan pangaran na Neville asin nagin bantog sa saiyang mga “aerial attacks” asin “explosive style”.
Huli kaini, binisto siya bilang “King of Cruiserweights” asin “The Man That Gravity Forgot”.
