Pigpatanid kan Canned Sardines Association of the Philippines an kakulangan kan mga baratong sardinas sa merkado.
Ini an huli sa padagos na paglangkaw kan production cost sa mga nakalihis na taon.
Sigun sa grupo na sa laog kan tolong taon, dae sinda naglangkaw nin presyo maski na magkapirang utro na sindang hirit sa Department of Trade and Industry.
Sinaysay ni Francisco Buencamino, an Executive Director, Canned Sardines Association of the Philippines, na haloy na an saindang hirit na dugang na P3.00 sa saindang produkto kun saen nag-abot na ini sa labi tolong taon.
Advertisement
Naglalaom man an grupo na madangog na sinda ngunyan kan DTI makalihis an ginibo nindang pagsumiter liwat kan saindang petisyon.
Advertisement
