NAGA CITY- Pigreport kan China Coast Guard na nagkabudalan an barko kan Pilipinas asin China sa Ayungin shoal na sarong submerged reef sa may Spratly Islands sa West Philippine Sea ngunyan na Lunes, Hunyo 17, 2024.
Sa iniluwas na statement kan China Coast Guard, pigbalewala soboot kan resupply ship kan Pilipinas an kadakol na beses na babala gikan sa lado kan China.
Inakusaran man kaini an barko kan Pilipinas na nagrani sa unprofessional na paagi na nagresulta soboot sa banggaan. Pinaratangan man kan China Coast Guard an barko kan Pilipinas na ilegal soboot na naglaog sa kadagatan harani sa Ayungin shoal sa Spratly Islands.
Sigun pa sa China Coast Guard na nagsagibo soboot ini nin control measures kontra sa barko kan Pilipinas katakod sa ley.
Sa ngunyan, mayo pang iniluluwas na pahayag an lado kan Pilipinas katakod sa pinakabagong insidente sa Ayungin shoal sa WPS na nakapalaog sa exclusive economic zone kan satuyang nasyon.
