Pinangenutan ni Presidente Ferdinand Marcos Jr., an paglulunsar nin Bayanihan Estero Program na sarong inisyatiba tangani linigon an mga estero asin pakusugon an flood control efforts sa Metro Manila.
Personal na ininspeksyon kan Presidente an paglilinig kan Buli Creek sa Barangay Pinagbuhatan, Pasig City kan nakalihis na aldaw nin Sabado.
Sigun sa Presidente, importanteng magkasararo an gabos huli ta dawa na gurano kagayon an mga flood control project, matinir na mayong luwas an mga ini kun barado an mga estero.
Alagad antes pa man mag abot an Bagyong Crising, nakapaglunsar na an gobyerno kan paglilinig sa 23 estero, asin 12 na an ganap na nalinigan.
Apwera sa paglilinig, kaiba man sa inisyatiba an desiltation asin man watershed development tangani dae na madara an daga na nagbabara sa mga creek asin man nagpapababaw sa tubig.
Naglalaom an Presidente na pangarugan ini kan iba pang civil society groups tangani na magin parte kan panghaluyang solusyon sa pagbabaha.
