NAGA CITY- Pighihiling soboot kan BFAR-Bicol an gabos na anggulo o parameters na makakaapektar sa mga paraoma sa Bicol Region para sa piglalaoman na La Niña sa nasyon.
Sa entrevista kan Bombo Radyo Naga ki Ariel Pioquinto an Regional Director kan BFAR-Bicol, sinaysay kaini na mas mahewas soboot an hihilingon na programa kan saindang lado na pwedeng ibaba sa mga local fisherman kan Rehiyon.
Sigun sa opisyal, sa panahon kan La Niña nagkakaigwa nin pagbaha orog na sa mga nasa low lying area kun kaya nagkakaigwa nin overflowing kan mga fishpond. Katakod kaini, igwa na soboot mga lakdang o measures na ginigibo an saindang opisina tanganing masimbagan an nasambitan ng mga problema.
Dugang pa ni Pioquinto, igwang data base kan fisherfolk registry an BFAR-Bicol asin gagamiton ninda ini komo guide sa tatawan nin tabang.
Sa ngunyan, makikipag-koordinar soboot an BFAR-Bicol sa mga kanya-kanyang LGU tanganing tolos na matawan nin asistensiya an mga parasisira na mangangaipuhan kan saindang tabang o ayuda.
