NAGA CITY- Pigheras kan BFP-Goa na active an saindang istasyon orog na ngunyan na pigseselebrar an Fire Prevention Month.
Sa entrevista kan Bombo Radyo Naga ki FO2 Paulo Peña, Fire Arson Investigator kan BFP-Goa, sinaysay kaini na aktibo soboot an saindang lado sa manlaen-laen na programa ngunyan na bulan kan Maros.
Saro na digde an Oplan Ligtas Pamayanan kun sen igwa sindang target na barangay na pigkukundusiran kan mga seminar tanganing makapagtao nin magkakanigong impormasyon sa publiko tanganing malikayan an pagbungkaras nin kasulo.
Apwera digde, active man sinda sa social media platform siring kan FB kun saen mahihiling an mga tips kontra sa mga kasulo.
Mientrastanto, pigsaysay man ni Peña na sa presente, igwa sindang apat na fire trucks kun saen tolo an operational digde mantang saro man an under repair.
Mantang an sainda man na ambulansiya an presenteng nasa siyudad nin Naga huli ta under repair.
Sa ibong na lado, piglinaw man kan opisyal na mayong katotoohan an nagkuriyat na bareta na igwang nagbungkaras na grass fire sa saindang lugar, sa saindang pigkundusir na imbestigasyon ini an maikokonsederar na pekeng impormasyon.
Sa ngunyan, mayo pa man nairerehistro na kasulo sa saindang banwaan kun kaya padagos na pig-enkaminar kaini an publiko na magsunod sa saindang piglatag na mga tips sa paglikay sa insidente.
